Ilanngussaq: Pisortat suliffeqarfii anginerit
Suliffeqarfinni Kalaallit Nunaanni Namminersorlutik Oqartussat piginneqataanerat ungaluusani allassimapput. Allassimasoqanngippat suliffeqarfiit iluanaarutinik ingerlanneqartut pineqarput.
Ilanngaasereerlugit kaaviiaartitat: Nioqqutissanik tuniniaanermit kiffartuussinerniillu isertitat, firmani pingaarnertut ingerlanneqartut, nammineq akiligissatut sulinertut aamma ilaatinneqarpoq.
Sulisut: Akissarsianik pisartut firmami atorfillit, sulisut amerlassusaannik suliffeqarfimmit nalunaarutigineqarsimasutut paasineqarpoq.
Nammineq aningaasaatit ernialersorneri: Aningaasaliissutit qanoq erniaqarluartinneqarnerannut takussutissaavoq, kisitseriaaserlu tassaalluni: (Inernerit akileraarusereerlugit/agguaqatigiissillugu nammineq aningaasaatit)*100. Agguaqatigiissillugu nammineq aningaasaatit uani kisinneqarput (aallartinnerani nammineq aningaasaatit + naalernerani nammineq aningaasaatit)/2.
Sinneqartoorutit annertussusiat: Suliffeqarfiup kaaviiaartitai qanoq annertutigisut sinneqartoorutinngortarnerinik inerniliisoq, kisitseriaaseq: (Nalinginnaasumik inernerit/kaaviaartitat)*100.
Akiliisinnassutsip annertussusia: Suliffeqarfimmi ataatsimut ingerlatsinerata annertussusiani nammineq aningaasaatit qanoq amerlatiginerinik takussutissaavoq, kisitseriaaserlu tassaalluni: (Nammineq aningaasaatit/ataatsimut ingerlatat annertussusaat)*100.
Matussusiisinnaanerup annertussusia: Matussusiisinnaanerup annertussusiata takutippaa suliffeqarfiup kaaviiaartitai qanoq amerlatigisut aningaasartuutinut aalajangersimasunut matussusiisinnaanersut. Kisitseriaaserlu tassaavoq: Amerlassutsinut ilassut/kaaviaartitat*100.